O berro "Lumes Nunca Máis" escóitase simultaneamente nas sete cidades galegas
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/deb/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62d9aea702-20220721-patxot-concentracion-incendios-6955.jpg)
© Mónica Patxot
![](/web/cache/scene/uploads/fotos/foto/4e0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62d9af0225-20220721-patxot-concentracion-incendios-6957.jpg)
© Mónica Patxot
![](/web/cache/scene/uploads/fotos/foto/16a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62d9af0f81-20220721-patxot-concentracion-incendios-6959.jpg)
© Mónica Patxot
Membros da plataforma "Por un monte galego con futuro", integrada por máis de 50 asociacións, colectivos ecoloxistas, culturais, sindicais e produtores rurais, concentráronse na tarde deste xoves 21 de xullo ante a Delegación da Xunta de Galicia en Pontevedra "para manifestar a súa indignación e esixir medidas á Xunta ante a actual vaga de lumes", segundo informaban.
Con esta acción, tamén queren amosar o total apoio á veciñanza afectada e aos colectivos dos profesionais que traballan na prevención e extinción dos lumes, así como "o rexeitamento á suicida política forestal da Xunta", declaran nun comunicado.
Ademais, en resposta á vaga de incendios que "está a devastar as máis emblemáticas xoias ecolóxicas de Galiza", as entidades convocantes reclamaron a declaración de "zona catastrófica" das áreas atinxidas polos lumes.
Así mesmo, solicitaron accións inmediatas para evitar a erosión destes solos de extraordinaria importancia e procurar o antes posible a súa restauración; o reforzo especial dos dispositivos de prevención e extinción nos espazos naturais de maior valor ecolóxico e ambiental de Galicia, agora e durante todo o ano; e o impulso decidido de políticas estruturais que preserven a biodiversidade natural, restauren os ecosistemas danados e recuperen os usos tradicionais e multifuncionais dos montes e que contribúen a fixar poboación no rural e a afastar os lumes, entre outras reivindicacións que se leron nun manifesto conxunto.
As concentracións, ao berro de "Lumes Nunca Máis", foron convocadas simultaneamente nas sete cidades galegas: Pontevedra, Vigo, A Coruña, Santiago de Compostela, Ferrol, Ourense e Lugo.
Relacionadas:
-
Incendio forestal en Poio nas proximidades da ponte da AP-9 sobre a ría
Por Redacción & Cristina Saiz & Almu Dapena |
-
Localizan indicios de "clara intencionalidade" en dous conatos de incendio no distrito forestal de Caldas-Salnés
Por Redacción |
-
Piden máis persoal forestal na concentración solidaria coas brigadas que se enfrontan a vaga de lumes en Ourense
Por Mónica Patxot & Anxo Lourido |
-
Unha brigada de voluntarios vixiará os montes de Barro para evitar incendios
Por Redacción |
-
Cerdedo-Cotobade pide a Medio Rural habilitar un cordón de seguridade fronte aos incendios
Por Redacción |