Unha hora diaria sen ruído nas festas de Portonovo
Por Redacción
O Concello de Sanxenxo anuncia que na xornada deste martes 16 e nas seguintes do 17 e 18 de agosto, as Festas de San Roque de Portonovo manterán unha hora sen ruído, entre as 21.00 e as 22.00 horas.
Esta medida adóptase para que estes festexos sexan accesibles a escolares e maiores que padecen trastornos do espectro autista (TEA), hipersensibles ao ruído e tamén a determinados tipos de iluminación ou grandes balbordos de persoas.
Con esta medida, a intención é que estas persoas cos seus familiares poidan gozar tamén das festas. Estas persoas presentan unha especial sensibilidade ante fogos artificiais, petardos, música a volume elevado ou luces intensas, que poden xerarlles unha sobrecarga sensorial por encima da capacidade que toleran e que pode derivar en ataques de ansiedade.
Precisamente este martes 16 están previstas bombas de palenque con alboradas, un concerto da Banda de Música de Meaño a partir das 13.00 horas na Casa de D. Fernando. Durante a mañá tamén se desenvolverá a misa na Igrexa de Portonovo co tradicional encontro de imaxes a continuación.
Durante a tarde haberá pasacalles a cargo da agrupación de Batucada e unha nova misa solemne ás 19.00 horas en honra a San Roque, cantada pola coral Sta. Mª Adina para dar paso á procesión e unha tirada de lumes
Xa ás 21.00 horas, a Banda de Música de Meaño ofrecerá un concerto na Capela. Ás 23.00 horas actuarán Soraya e Kubo para finalizar cunha gran tirada de fogos de artificio.
Relacionadas:
-
O Auditorio Emilia Pardo Bazán acolle unha charla informativa sobre o autismo
Por Redacción |
-
Pictogramas para eliminar barreiras de comunicación entre a Garda Civil e as persoas con autismo
Por Natalia Puga & Mónica Patxot |
-
Fin de semana de festas en Adina
Por Redacción |
-
O BNG de Marín solicita a colocación de sinalética adaptada ás persoas de espectro autista
Por Redacción |
-
Dorrón celebra esta fin de semana as súas festas
Por Redacción |
-
Kiko Rivera fai bailar a Portonovo
Por Redacción |
-
Portonovo despacha media tonelada de sardiña nas festas de San Roque
Por Redacción |
-
As festas de Portonovo contarán co DJ Kiko Rivera e a cantante Soraya Arnelas
Por Redacción |
-
O "festival cultural" de Sanxenxo programa máis 40 actividades en 21 localizacións diferentes este verán
Por Redacción |