60 estudantes completarán a súa formación en Europa a través da Deputación
O pasado 3 de abril, nove estudantes de FP da provincia de Pontevedra comezaron as súas prácticas laborais en diversas empresas e institucións europeas da man do programa Erasmus+ 2022.
Segundo a Deputación, o obxectivo desta iniciativa é que o alumnado reforce as súas competencias, adquira experiencia e mellore as súas expectativas laborais. Por iso, sesenta estudantes de FP e cinco docentes poderán beneficiarse deste proxecto que continuará coa segunda mobilidade a mediados de maio.
O estudantado desta primeira quenda, que estará no estranxeiro entre tres e cinco meses, provén dos centros educativos vigueses IES Audiovisual, IES Ricardo Mella, Divino Maestro e CPR San Miguel, onde cursan os ciclos medios de emerxencias sanitarias, vídeo DJ e son e coidados auxiliares de enfermería.
A Deputación de Pontevedra beneficiará o estudantado desta volta cunha axuda económica que vai entre os 4.298 e os 6.718 euros, en función do destino elixido e a duración da estancia. A axencia nacional española do Programa Erasmus, SEPE, achegará ao orzamento total da primeira mobilidade 599.765 euros.
Relacionadas:
-
Luis López recibe aos mozos do Erasmus+ que comezarán en outubro as súas prácticas no estranxeiro
Por Redacción |
-
O goberno provincial aproba investimentos por 3,2 millóns de euros
Por Oskar Viéitez |
-
Comeza en Vilagarcía o Festival New Millennium coa formación a 40 estudantes Erasmus
Por Redacción |