Marín e a Asociación Érguete lanzan a campaña “Unha vaquiña para falar de adicións”
Por Redacción
O Concello de Marín e a Asociación Érguete acaban de presentar "Unha vaquiña para falar de adicións", a campaña coa que queren previr as condutas aditivas nos menores do municipio.
A acción consta de varios banners repartidos en puntos do Concello e nos colexios acompañados dunha serie de reflexión. Todas estas creatividades están protagonizadas por distintas vacas galegas que se preguntan sobre as distintas adiccóns.
Por exemplo, unha delas leva a mensaxe "Tamén merece un like o que hai fóra da pantalla", outra di que "A min non me tocou un boi nas maquiniñas". "Centramos as mensaxes nas vacas para reflexionar sobre a perigosidade das adicción dun xeito lúdico e positivo. Estes animais foron o eixo de moitos fogares galegos hai non tantos anos e queremos que falen como unha desas nais espontáneas que eran Carmen Avendaño ou Dora Carrera", explican dende a Asociación Érguete.
A concelleira, Mónica Viqueira, explica que estas accións de comunicación responden "a nosa estratexia de intervir coa mocidade para evitar condutas aditivas con accións positivas e que non os criminalicen". A edil engade que estes banners estarán presentes en todos os colexios e institutos do concello, á vez que a Asociación Érguete imparte unha serie de charlas con menores e familias para falar con maior profundidade sobre as adicións.
Relacionadas:
-
Marín invita a coñecer todo o que deben saber as familias sobre as adiccións
Por Redacción |
-
Érguete formará a 12 persoas desempregadas no sector dos coidados no fogar
Por Redacción |
-
Veciños de Marín participan nos cursos de emprego inclusivo de Érguete
Por Redacción |
-
O Concello de Marín e Érguete colaboran a pé de rúa para a reinserción de persoas drogodependentes
Por Redacción |