Piden catro anos de prisión para un mozo por roubar nos hospitais Provincial e Quirón vestido de enfermeiro
Por Oskar Viéitez
A Sección Cuarta da Audiencia Provincial de Pontevedra sinalou para este martes día 9 de maio un xuízo polos delitos de roubo con forza e furto.
No banco sentará un novo toxicómano, de 28 anos, ao que a Fiscalía acusa unha serie de roubos cometidos en febreiro do ano 2022 nos que se fixo pasar por sanitario para roubar no Hospital Provincial de Pontevedra e no Quirónsalud Miguel Domínguez.
A Fiscalía solicita que sexa condenado a catro anos e tres meses de prisión.
Concorre no acusado a circunstancia agravante de multirreincidencia xa fora condenado en catro ocasiones anteriores por entrar a roubar nunha vivenda e por roubos con violencia ou intimidación. Esas condenas aínda non as cumpría cando ocorreron os feitos.
Os feitos polos que agora será xulgado refírense á subtracción de varios obxectos no interior dun vehículo do Hospital onde tamén forzou varios armarios, no Quirón levou unha chaqueta dun colgadoiro do persoal e arrincou un cadeado para facerse cun patinete eléctrico estacionado no aparcamento do Provincial.