O conto dos tres porquiños, motivación para respectar os bosques no Centro Forestal de Lourizán
Por Redacción
A Federación Empresarial de Serradoiros e Rematantes de Madeira de Galicia (FEARMAGA) en colaboración co Centro de Investigación Forestal de Lourizán (CIF) acollía este xoves as últimas visitas escolares dunha iniciativa na que 140 estudantes de Pontevedra e Poio recibiron información sobre o coidado dos bosques e a bioeconomía circular.
Nesta ocasión, escolares do CEIP Plurilingüe Froebel de Pontevedra participaron en dúas sesións de contacontos sobre a historia dos tres porquiñoss baixo o título 'Aventuras no bosque de Maruxa, Xaquín e Fuco', actualización da historia tradicional na que o lobo é incapaz de facer fronte á sustentabilidade da casa elaborada con madeira.
Cris de Caldas e Xabi do Camiño foron os encargados de contar ao público infantil a importancia dos bosques para frear o cambio climático.
Destacaron os valores dos bosques galegos e dos produtos naturais e sostibles como a madeira.
Ao longo da visita, os escolares coñeceron o patrimonio histórico e a riqueza do xardín botánico de Lourizán con máis de 800 especies forestais, ao mesmo tempo que recibían información para previr incendios forestais.
Relacionadas:
-
O CIF de Lourizán reuniu varios expertos para tratar a mellora na xestión dos incendios forestais
Por Redacción |
-
Declarado un incendio forestal no Vao de Arriba
Por Oskar Viéitez |
-
Un Pazo "único en Galicia" que os Montenegro construíron no século XV e Montero Ríos puxo no mapa no XIX
Por Natalia Puga & Mónica Patxot |
-
En tres meses poderase transferir a titularidade do Pazo de Lourizán e a Escola de Cantería
Por Oskar Viéitez |
-
Un concurso de ideas definirá o futuro do Pazo de Lourizán, para o que se prevén usos forestales y turísticos
Por Alejandro Espiño |