A consultora Pons Mobility debate en Madrid sobre o modelo urbano de Pontevedra
Por Redacción
Demetrio Gómez, concelleiro de Mobilidade, participa este mércores 17 de maio nunha mesa de debate que se celebrará en Madrid baixo o título 'A mobilidade como motor social', na Fundación Pons.
Este encontro está organizado pola compañía especializada en proxectos de consultoría para o desenvolvemento da innovación en mobilidade Pons Mobility, en representación do Círculo para a Descarbonización Neutral In Motion, no que se integran as principais federacións e asociacións de automoción do Estado, segundo indica o goberno local.
Persoas relacionadas coa mobilidade procedentes de Madrid, Burgos, Palencia, Valencia e Pontevedra debaterán sobre as medidas que se deben abordar para facer fronte á descarbonización e á nova circulación polas cidades.
O Concello de Pontevedra achegará as medidas adoptadas no modelo de cidade que o goberno local leva anos desenvolvendo en Pontevedra coa redución do tráfico rodado a través de medidas de peonalización. Entre outros temas, tratarase a participación cidadá nestas medidas.
Relacionadas:
-
Este venres pecha o tramo final da Avenida de Vigo por obras
Por Redacción |
-
Lores reclama colaboración entre institucións para mellorar a rede viaria de Pontevedra
Por Manu Otero |
-
28M | A Pontevedra que propoñen: promoción económica e emprego
Por Alejandro Espiño & Natalia Puga |
-
Lores afirma que "se os inimigos do feminismo chegan ao poder, volverán a poñer o nome do rei emérito no rueiro"
Por Oskar Viéitez & Cristina Saiz |
-
Rafa Domínguez acusa o BNG de "recrear muchas Reinas Victorias" por toda a cidade
Por Alejandro Espiño |