En xuño ábrese o prazo para inscribirse en Ponteverán
Por Redacción
A partir do 1 de xuño está prevista a apertura do prazo para inscribirse nas actividades, todas elas gratuítas, que se desenvolverán ao longo dos próximos meses en Ponteverán. As inscricións deben realizarse a través da web municipal do departamento de Xuventude. Terán prioridade os escolares do municipio de Pontevedra, aínda que poida apuntarse calquera persoa nova de outros concellos.
Alberto Oubiña, concelleiro de Xuventude, presentaba as ofertas desta edición durante este venres 19 que se centran en catro bloques temáticos de actividades repartidos en:
- campamentos urbanos
- talleres culturais e artísticos
- natureza, deporte e aire libre
- aula de informática
As idades de participación oscilan entre os 8 e os 35 anos. O programa, segundo explicou o concelleiro, presenta actividades dentro dun formato diverso e inclusivo, destinado a fomentar a socialización, a aprendizaxe e a diversión.
Entre as propostas contémplase un minicampamento regreso á prehistoria; a celebración da noite europea dos morcegos; un taller de instrumentos humildes; e un roteiro en kaiak polo río Lérez.