Un reforzo metálico frea a caída do Trasgo Xerardo
Por Anxo Lourido
O trasgo Gerardo ,situado nos Xardíns de Marescot, diante da Facultade de Belas Artes, corría perigo de esborrallarse pola deterioración que sufría a base desta instalación escultórica, obra do artista Santiago Castro.
Por este motivo, desde a concellería de Desenvolvemento Sostible decidíase instalar un reforzo metálico que garanta, no futuro, a estabilidade desta singular obra de catro metros de altura.
Esta peza atópase sobre un toco de cedro, que presentaba danos e, segundo a concellería, esa situación provocaba a falta de firmeza do trasgo.
Esta obra foi inaugurada en maio de 2019 dentro das propostas do programa Ponteguapa, unha iniciativa do Concello de Pontevedra na que se buscaba ofrecer unha imaxe máis alegre da cidade.