A Xunta gastarase 68.000 euros en kiwis e mazás para os alumnos dos colexios de Pontevedra
Por Redacción
O Diario Oficial de Galicia fixo público este mércores o listado de centros de Educación Infantil, Primaria e Secundaria beneficiados das axudas da Consellería de Medio Rural e do Mar para a distribución de froita fresca ao alumnado da provincia, o que supón un investimento de case 68.000 euros a un total de 79 centros.
A iniciativa pretende favorecer o gusto polo sabor das froitas frescas e os hábitos saudables entre os máis novos.
As froitas que se van primar no reparto entre os alumnos serán as autóctonas, como kiwis ou mazás.
Na nosa comarca os centros beneficiados son o colexio Torre-Cela e Montemogos de Bueu, o Toural de Vilaboa, o colexio de Lourido, a Escola de Educación Infantil de Verducido, o Príncipe Felipe de Pontevedra; o colexio Cruceiro de Sanxenxo; o Manuel Cordo Boullosa e o Instituto de Ponte Caldelas; o colexio da Laxe de Marín e o Valle-Inclán do Grove, o instituto de Barro e o de Cotobade.