A Deputación e a Fundación Alexandre Bóveda colaborarán para pór en valor a figura do ilustre galeguista
Por Oskar Viéitez
O vicepresidente da Deputación de Pontevedra, Rafa Domínguez, e o representante da Fundación Alexandre Bóveda, Valentín García Bóveda, mantiveron este luns unha reunión no Pazo provincial para "explorar posibles vías de colaboración co obxectivo de salvagardar a figura do histórico político pontevedrés".
Trátase ademais dun encontro significativo, xa que é a primeira reunión do vicepresidente trala delegación das súas áreas, neste caso como responsable do departamento de Memoria Histórica da Deputación.
Rafa Domínguez confirmou que a próxima semana participará nos actos do ‘Día da Galiza Mártir’, que se celebran todos os 17 de agosto na Caeira en homenaxe ao político como símbolo das persoas que sufriron a represión franquista.
O vicepresidente Domínguez amosou o seu compromiso co fomento e a difusión da historia de Alexandre Bóveda, así como a "reforzar o compromiso da institución provincial coa Fundación que leva o seu nome e que traballa activamente na salvagarda da súa figura".
Segundo informou o gabinete de comunicación, durante o encontro, o vicepresidente provincial sinalou que a Fundación Alexandre Bóveda "desempeña un papel fundamental na preservación cultural galega", e asegurou que "a Deputación de Pontevedra apoiará o seu labor para garantir a conservación da riqueza cultural que define a Galicia e á provincia de Pontevedra".
Tal como garantiu Rafa Domínguez, a colaboración entre a Deputación de Pontevedra desde o gabinete que el lidera e a Fundación Alexandre Bóveda "contribuirá a dar unha maior visibilidade á historia de Bóveda a nivel local e internacional".
Relacionadas:
-
O Museo e a Fundación Castelao abrirán vías de colaboración
Por Redacción |
-
"Gustaríanos que a presencia vosa non respondese á oportunidade de quedar ben e logo, veña, ata o ano que vén"
Por Natalia Puga & Mónica Patxot |
-
A Mocidade Galega pola Memoria conmemora o Día da Galiza Mártir cun roteiro e un decálogo de propostas
Por Natalia Puga |
-
Presentados os actos do Día de Galicia Mártir, nos que por primeira vez estará o conselleiro de Cultura
Por Diego Espiño |
-
Rafa Domínguez augura un novo pacto de goberno entre BNG e PSOE que será "negativo" para a cidade
Por Redacción |
-
A Deputación mobiliza máis de dous millóns de euros para a provincia
Por Oskar Viéitez |
-
Máis soberanía, identidade e lingua, as demandas do BNG polo Día da Matria
Por Redacción |
-
Luís López asume a presidencia da Deputación coa intención de "aplicar solucións diferentes e políticas distintas"
Por Oskar Viéitez & Cristina Saiz |