Así foi a instalación da nova pasarela metálica sobre o río Gafos
Por Oskar Viéitez
A instalación da nova pasarela sobre o río Gafos ao seu paso pola rúa Rosalía de Castro causou certa expectación na mañá deste xoves.
Tal e como estaba previsto e anunciado foi preciso cortar a rúa para poder realizar a operación de montaxe cunha grúa de grandes dimensións.
O concelleiro de Parques e xardíns, Xaquín Moreda, acompañado da alcalde en funcións, Eva Vilaverde, explicou que esta era a parte "máis espectacular" da obra de acondicionamento do río Gafos entre as rúas Tablada e Rosalía de Castro.
"A pasarela vén nunha peza única, metálica, construída en taller. Logo da súa colocación continuarán os traballos previstos, como a demolición da antiga pasarela peonil. En paralelo a esta actuación se seguirán acondicionando as zonas verdes próximas", afirmou o concelleiro.
O proxecto foi adxudicado no seu día á empresa Covsa por 495.866 euros e está financiado por fondos europeos FEDER dentro da Estratexia DUSI Máis Pontevedra.
Cómpre lembrar que a rúa Rosalía de Castro volverá estar cortada o venres, neste punto entre as 07.00 e as 16.00 horas.
Relacionadas:
-
Comezan a formigonar a nova pasarela de metal sobre o Gafos na rúa Tablada
Por Mónica Patxot & Redacción |
-
Encargan un estudo do estado do treito urbano do Gafos para impulsar un proxecto "viable" para destapalo
Por Alejandro Espiño |
-
Previsto un corte de tráfico na Rúa Rosalía de Castro durante este xoves 10
Por Redacción |