Casamentos civís a mancheas na segunda fin de semana de setembro en Pontevedra
Por Anxo Lourido
Despois da fin de semana da Feira Franca, a segunda fin de semana de setembro chegou cargada de celebracións matrimoniais. Entre o venres e o sábado desenvolvéronse dez vodas civís no Concello de Pontevedra.
O venres celebrábanse catro casamentos e o sábado a cifra alcanzou as seis vodas.
Na xornada maratoniana do sábado 9, o alcalde Miguel Anxo Fernández Lores oficiaba cinco unións matrimoniais e o portavoz municipal do PP, Rafa Domínguez, unha.
Desde o goberno local indican que se trata duns días de "especial actividade neste eido" e o propio alcalde facía referencia nas súas redes sociais sobre estas cerimonias desexando "sorte a todas estas parellas non que a vida lles garda por diante".
Para casar no Concello de Pontevedra hai que realizar unha solicitude a través do rexistro presentando unha fotocopia do DNI das persoas que contraen matrimonio e de dúas testemuñas maiores de idade, que deberán estar presentes durante a cerimonia; relación de datos de matrimonio civil, expedida polo Rexistro Civil; e pagar unha taxa de 81,73 euros.
Relacionadas:
-
A casa consistorial abrirá o seu acceso pola Praza de España só para os actos públicos
Por Alejandro Espiño & Mónica Patxot |
-
A casa do concello da Praza de España recuperará a súa función institucional
Por Alejandro Espiño & Mónica Patxot |
-
66 parellas casaron con voda civil no Concello durante 2017
Por Alejandro Espiño |