Con DNI o luns a pesar da celebración do Día da Policía
Por Redacción
O vindeiro luns 2 de outubro a Policía Nacional de Pontevedra celebrará o seu patrón, a festividade dos Santos Custodios, e, como é habitual, durante esa xornada, a pesar da festa, as oficinas de expedición do DNI estarán abertas ao público.
Prestarán os servizos de expedición do DNI, pasaportes e documentación de estranxeiros.
A Policía Nacional celebrará o seu patrón, como é habitual, cunha misa prevista para as 17.30 horas na igrexa conventual de San Francisco.
A continuación, está previsto un acto institucional no auditorio de Afundación a partir das 19.00 horas. No transcurso deste acto, distinguirase a membros das Forzas e Corpos de Seguridade por feitos meritorios realizados neste ano e homenaxearase a persoal civil pola súa colaboración.
Aos actos poderán asistir todos os membros da Policía Nacional, calquera que sexa a situación en que se atopen (activo, segunda actividade, xubilados), así como persoal convidado.
Relacionadas:
-
Un sentido recordo a Mora Morandeira e 23 condecoracións para o primeiro patrón policial pospandemia
Por Natalia Puga & Mónica Patxot |
-
A Confederación Española de Policía (CEP) denuncia "discriminación" na entrega de medallas
Por Oskar Viéitez |
-
A pandemia e a ciberdelincuencia centran a volta á (case) normalidade da Policía Nacional no seu patrón
Por Natalia Puga & Mónica Patxot |