Domínguez ve unha "tomadura de pelo" que o Concello queira transferir a UAD á Xunta "despois de abandonala"
Por Redacción
O presidente e portavoz municipal do Partido Popular, Rafa Domínguez, pronunciouse este venres despois de coñecerse a decisión do Concello de Pontevedra de transferir a Unidade de Atención de Drogodependencias (UAD) á Xunta de Galicia tras asegurar que "non ten sentido" que un centro clínico e sanitario dependa da administración municipal.
Os populares consideran "unha tomadura de pelo" que o goberno local acórdese agora da UAD "despois de anos de abandono das súas responsabilidades a pesar de que o Concello seguiu recibindo e cobrando o diñeiro da Xunta".
Segundo os datos facilitados polo PP, o servizo ten un custo anual de máis de 495.580,97 euros que está garantido grazas aos 397.294,65 euros que achega o goberno galego a través do Sergas. Por ese motivo, desde a oposición, alertaron ao longo dos últimos anos da "preocupante situación da Unidade" e, por tanto, "do abandono dos pacientes, profesionais e instalacións" situadas na praza de Valentín García Escudero.
O goberno local "tiña a obrigación de apostar polo centro e as persoas fráxiles que necesitan acudir á UAD para recibir axuda coas súas adiccións pero, unha vez máis, fixeron caso omiso ao encargo do partido máis votado en Pontevedra e tamén das reivindicacións dos traballadores municipais", concluíu Domínguez.
Relacionadas:
-
Instan á Xunta a asumir a UAD porque "non ten sentido" que un centro clínico dependa do Concello
Por Alejandro Espiño |
-
Lores, sobre a UAD: "Se o concelleiro responsable considera que hai que facer algún tipo de actuación, obviamente, incluirémola nos orzamentos"
Por Oskar Viéitez |
-
Rafa Domínguez ve "lamentables" as condicións nas que se atopa o servizo da unidade de drogodependencias
Por Álvaro Arosa Barco |
-
Denuncian a "morte silenciosa" do servizo sanitario de Drogodependencias do Concello de Pontevedra
Por Redacción |