Público de todas as idades escoita as palabras de Zahara sobre violencia machista no Museo
Por Cristina Saiz & Redacción
Zahara, a artista andaluza que se caracteriza por ser polifacética ao manter unha carreira profesional como cantante, compositora, actriz, presentadora de televisión, produtora e escritora, ofrecía unha charla este sábado no Museo de Pontevedra dentro dos actos organizados polo Concello de Pontevedra con motivo do 25N.
A creadora dos álbums 'La pareja tóxica', 'Santa', 'Puta', 'Reputa' e 'Madre' mantivo unha conversa coa xornalista Susana Pedreira para falar sobre a violencia machista nas súas diferentes modalidades ante numeroso público de todas as idades, entre os que non faltaba integrantes da corporación municipal e pintores como Antón Sobral.
Zahara tivo repercusión mundial cando en 2021, o Concello de Toledo e o partido VOX retiraban o cartel promocional da xira 'Puta'. A artista recibiu apoio en redes sociais a través dun movemento internacional en defensa da liberdade creativa.
A concelleira Anabel Gulías presentou o acto, que tivo continuidade durante a tarde co concerto da cantante libanesa Nadine Khouri no mesmo espazo. Esta compositora crea atmosferas emotivas e perturbadoras nos seus temas acústicos.
Relacionadas:
-
O Museo organiza unhas Xornadas de Educación Patrimonial nas que se mostrarán catorce experiencias prácticas e investigacións
Por Redacción |
-
25N | Reivindicación cidadá contra quen perpetúa as formas patriarcais e as súas violencias
Por Cristina Saiz & Anxo Lourido |
-
Cuestións técnicas obrigan a trasladar o concerto de Zahara e Martí Perarnau IV en Karma a Boiro
Por Redacción |
-
Zahara e Martí Perarnau IV: "Con Juno non facemos caso a nada. É un refuxio para facer cancións desde a liberdade"
Por Alejandro Espiño |
-
Pontevedra insta este 25N a "chamar as cousas polo seu nome" e erradicar "eufemismos" sobre a violencia machista
Por Alejandro Espiño |