'Bueno Carallo Bueno', proposta pictórico-poética de José Freixanes e Alberto Avendaño en Vilagarcía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/3dc/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/65ae9a5a2a-000.jpg)
© Concello de Vilagarcía de Arousa
![](/web/cache/scene/uploads/fotos/foto/0fd/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65ae9ab915-002.jpg)
© Concello de Vilagarcía de Arousa
A sala de exposicións Antón Rivas Briones manterá aberta ata o 25 de febreiro a mostra titulada 'Bueno Carallo Bueno' do artista José Freixanes e do escritor e xornalista Alberto Avendaño.
Nesta proposta pictórico-poética ofrécese unha nova perspectiva do libro homónimo no que os dous creadores realizaron a súa primeira colaboración.
A poesía de Avendaño inspírase na tradición xaponesa mentres que Freixanes ofrece 39 pinturas en distintos formatos e utilizando diversas técnicas.
José Freixanes, nacido en Pontevedra en 1953, forma parte do Grupo Atlántica e traballa como profesor na Facultade de Belas Artes de Granada.
Alberto Avendaño, de Vigo, é membro fundador do Colectivo de Comunicación Poética Rompente, fincado en Vilagarcía nos últimos anos, foi profesor da John Hopkins Universtiy e director da edición española do xornal The Washington Post. Actualmente é membro numerario da Academia Norteamericana da Lingua Española.
A mostra pódese visitar de luns a sábado en horario de 10.30 a 13.30 horas e de 18.00 a 21.00 horas. Os domingos permanece aberta desde as 11.00 ás 14.00 horas.