The Satelliters, sons con cheirume a gasolina chegan a Pontevedra
Por Redacción
Este sábado 8 de marzo a partir das 22.30 horas, comezan os actos do oitavo aniversario da Sala Karma, co concerto da banda alemá The Satelliters, que ofrece un son de rock dentro da etiqueta 'garaxe'.
Segundo a crítica, o grupo ofrece un son contundente cun repertorio de temas propios e versións de cancións dos sesenta. A súa andaina comezou a mediados dos anos noventa intentando seguir o son dos Kinks, os Sonics ou os Mummies. As súas primeiras aparicións en público realizábanas enmascarados e ofrecían sons con olor a gasolina.
Co paso dos anos, The Satelliters foron gañando en elegancia e desprendéronse das máscaras para experimentar coa psicodelia, tal e como se comproba na súa ampla discografía cunha decena de álbums publicados.
As entradas pódense adquirir de xeito anticipado por 8 euros ou en despacho por 10 euros.