A zarzuela volve ao Pazo co Airiños de Campañó
Por Diego Torrado
As declamacións, cantos e partes instrumentais da zarzuela regresaron este sábado ao Pazo da Cultura da man da Coral Airiños de Campañó.
A agrupación musical repetiu cun festival deste xénero escenico que non encheu todas as butacas do recinto, pero si deu cita a un público entregado a todo o repertorio interpretado polos integrantes da coral pontevedresa.
O festival de zarzuela, que comezou a partir das 19.30 horas, contou coa colaboración da Concellaría de Cultura de Pontevedra.