A Paixón en miniatura
Por Redacción
Desde o mércores 10 de febreiro, é posible visitar a exposición Escenas de la Pasión na Real Basílica de Santa María a Maior, que dá continuidade á exposición Dioramas de Navidad. Trátase dunha mostra de dioramas, representacións en miniatura similares aos Beléns do Nadal, creada polos mestres artesáns da Asociación Complutense de Belenistas, que conta con varios galardóns e gran recoñecemento a nivel nacional.
Escenas de la Pasión contén un total de 11 escenas que representan os seguintes momentos da Paixón: a entrada en Xerusalén, a Santa Cea, a oración no horto, o prendemento, a flaxelación, o Ecce Homo, a primeira caída, o Calvario, o descendemento e a Resurrección.
Poderanse visitar calquera día da semana, fóra dos xoves, durante a mañá de 9.30 a 14.00 horas ou pola tarde de 17.00 a 21.30, aínda que durante a celebración da misa das 11.00 e das 20.00 horas, a exposición permanecerá pechada.
A intención destas exposicións é tentar realizar a curto prazo un Taller de Belenismo.