O Museo de Pontevedra, galardoado polo seu patrimonio cultural nos Premios da Cultura Galega 2016
Por Redacción
O Museo de Pontevedra converteuse nunha das institucións galardoadas este ano cos Premios da Cultura Galega, acompañando a María Xosé Queizán, Miguel Fernández-Cid, Sarabela Teatro, Maximino Zumalave, a cooperativa Numax, a Irmandade Xurídica Galega e Elena Zernova nas distincións deste 2016.
Os premios, convocados pola Xunta de Galicia, recoñecen o traballo de persoas e institucións nos distintos ámbitos da creación, a conservación do patrimonio e a difusión da cultura galega.
A concesión ao Museo provincial, dependente da Deputación, é un recoñecemento a unha institución pública dedicada a conservar, exhibir, investigar e difundir pezas de singular valor patrimonial. Destácase a programación expositiva, o labor de investigación propia centrada principalmente nos seus fondos.
Neste sentido faise un especial fincapé nos fondos de obras de Castelao e de interese artístico como esculturas de profetas procedentes da fachada exterior da catedral de Santiago, a colección de olería tradicional ou a colección Sodesco composta por 313 pinturas de autores galegos e foraneos de entre os séculos XV e XX, entre os que destacan obras de Berruguete, Sorolla, Van Der Hamen ou Rusiñol.
Este ano presentáronse corenta candidaturas. O galardón desta edición consistirá nunha escultura do artista Manolo Paz, que os premiados recibirán nun acto solemne con data aínda por determinar.
Relacionadas:
-
O Museo compartirá este sábado o seu Premio da Cultura cos pontevedreses
Por Antía Fernández Buján |
-
Máis de 107.000 persoas visitaron en 2016 as instalacións do Museo de Pontevedra
Por Redacción |
-
Unha gala "multidisciplinar" no Pazo da Cultura pechará o Ano Castelao
Por Diego Espiño |
-
O Museo supera a barreira dos 100.000 visitantes e quere pechar o ano con 10.000 máis
Por Redacción |
-
O Museo retoma o seu programa de visitas comentadas
Por Redacción |
-
O Premio da Cultura Galega motiva o director do Museo a traballar con máis intensidade
Por Redacción |
-
'Saúde e Terra, irmá(n)s!' viaxa 100 anos atrás para mergullarse no nacemento das Irmandades da Fala
Por Mónica Patxot |
-
Máis de 40.000 persoas visitaron o Museo durante este verán
Por Redacción |
-
"Meu Pontevedra!" dará paso á mostra que conmemora o centenario das Irmandades da Fala
Por Oskar Viéitez |