Exposición colectiva dos estudantes do máster en Arte Contemporánea
Por Mónica Patxot
O vestíbulo da Facultade de Belas Artes acolle as propostas deseñadas por 21 alumnos do Máster en Arte Contemporánea, Creación e Investigación, no marco do proxecto expositivo Hall de entrada.
Esta iniciativa lles levou a afondar na súa "capacidade de adaptación " a un espazo "máis reducido do que estamos acostumados", como sinala Aitana Tubío, coordinadora deste "micro-proxecto" inaugurado no mediodía deste xoves.
A proposta está orientada a medir a capacidade de adaptación dos artistas xa que se compón de interrelacións especialmente concibidas para as vitrinas situadas na entrada da facultade.
En cada unha das nove vitrinas concéntranse as creacións dun máximo de tres persoas, "coa finalidade de fusionar tanto preocupacións formais como temáticas", nalgúns casos a través de creacións grupais.
Dimitri Pino, Montse Martínez, Olivia Oltmanss, Ricardo Campos, Mariña Pérez, María Pose, Macarena Montesinos, Vanesa Soares, Merce González-Anleo, Yatir Fernández, Erik Balbuena, Patricia Coucheiro, María Xosé Domínguez, Gabrielle Mendieta, Alejandra Lago, Irene Romero, Blanca Nieves Lourés e Ana Pérez Valdés, xunto con Quinteiro, Fernández e a propia Tubío, conforman o grupo que afrontou este reto de crear a pequena escala.
Relacionadas:
-
Tras rematar os estudos de Belas Artes "todo sigue o seu curso"
Por Redacción |
-
"Un rolo de papel continuo" que une a docentes e titulados de Belas Artes
Por Oskar Viéitez |
-
O estudantado de Belas Artes invade o novo centro de saúde de Marín
Por Redacción |
-
Tres artistas galegas ilustran a natureza nunha mostra no Casal de Ferreirós
Por Redacción |