As verbas de María Victoria Moreno volverán resoar no seu instituto
![](/web/cache/scene/uploads/fotos/foto/f02/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5ab252237d-img_8160.jpg)
© Gabriela Varela Asorey
![](/web/cache/scene/uploads/fotos/foto/6b4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5ab2522468-img_8178.jpg)
© Gabriela Varela Asorey
Desde que María Victoria Moreno foi seleccionada pola Real Academia Galega (RAG) como figura homenaxeada este ano polo Día das Letras Galegas, o IES Torrente Ballester puxo en marcha un completo programa de actividades dirixidas a enxalzar a figura da que foi profesora do centro, entre os anos 1993 e 2002.
Este mércores presentábase un dos eventos clave do programa na biblioteca do Torrente Ballester, que leva o nome da escritora estremeña. O director, David Castro, deu as claves do acto académico de homenaxe que se celebrará o 4 de abril. La presentación fue realizada baixo o mural elaborado na honra da homenaxeada por un grupo de estudantes de 4º ESO, que lle valeu ao centro o premio do concurso-exposición Letras Galegas 2018.
Trátase dun evento que terá lugar no salón de actos do instituto ás 17.00 horas, e que contará coa presenza de personaxes ilustres como o ensaísta e poeta Xesús Alonso Montero, que será o encargado da conferencia inaugural, tras a intervención das autoridades asistentes. A continuación proxectarase un vídeo-homenaxe gravado no centro e producido por un ex alumno de María Victoria Moreno, Gaspar Broullón.
Tamén se levará a cabo unha "mesa redonda" na que participarán, ademais de Xesús Alonso Montero, a escritora Fina Casalderrey, o tradutor Xavier Senín e o presidente da RAG, Víctor Freixanes. O acto clausurarase coa proxección dun conto inédito da autora homenaxeada.
CONTO INÉDITO
O conto recóllese dun manuscrito orixinal, ilustrado e editado desde o centro no que impartiu clase e que a lembra con gran agarimo e admiración. O volumen será presentado posteriormente no Salón do Libro e non estará á venda, aínda que cada centro educativo de Pontevedra recibirá un exemplar.
Á presentación do acto este mércores acudiu o concelleiro de Promoción Lingüística, Alberto Oubiña, que se mostrou "encantado" de colaborar con este tipo de actividades desenvolvidas nos distintos centros educativos do Concello. Unha iniciativa coa que, como sinalou o concelleiro, promóvese a lingua galega e a figura de María Victoria Moreno, unha "galega por amor" para a que se está desenvolvendo unha programación "moi xeitosa" desde o IES Torrente Ballester.
Relacionadas:
-
Doce cartas "lobunas" a María Victoria Moreno
-
Un ano dedicado á figura de María Victoria Moreno no IES Torrente Ballester
-
As rúas de Pontevedra lembran a María Victoria Moreno
Por David Arana & Gabriela Varela Asorey |
-
A biblioteca súmase ao Día do Libro Infantil e Xuvenil coa lectura do manifesto internacional
Por Redacción |
-
Contacontos ilustrado de 'A brétema' e 'O cataventos', de María Victoria Moreno
Por Redacción |
-
A Deputación destina axudas para entidades sen ánimo de lucro que dinamicen a lingua galega
Por Redacción |
-
O IES Torrente Ballester gaña o concurso-exposición Letras Galegas dedicado a María Victoria Moreno
Por Redacción |