La Pegatina e Terbutalina coroan un cartel de luxo para o décimo Armadiña Rock
Por Alejandro Espiño
O Armadiña Rock completou un cartel de auténtico luxo para celebrar a súa décima edición, que terá lugar en Combarro entre os días 24 e 26 de agosto.
O festival, que xa é referencia no circuíto musical galego, completa a súa oferta musical con La Pegatina ou Terbutalina.
Xunto a eles actuarán Amparanoia, Sés, Banda Xangai, Zënzar, Sonoro Maxín, The Lákazans, Skándalo GZ, A Banda da Loba, Noite Fechada, Dudecan e Voodoo.
Na programación tamén se ofrecerán actividades de ámbito familiar, como un concerto punkinfantil, espectáculos circenses e teatrais, pasarrúas a cargo de Fanfarria Farruxa, Balkan Paradise Orchestra e Batucada Os Queimatasas e un espazo no que presentar proxectos musicais, sociais ou culturais.
Coma xa é costume no marco deste evento, haberá acampada de balde no lugar de A Reiboa, nas inmediacións do núcleo do festival.
O evento, que é totalmente gratuíto, está organizado pola ACDeM Armadiña. Naceu coa vontade de apoiar ao equipo de fútbol local e promove a difusión da música galega e en lingua galega, a introdución da mocidade no circuíto musical e a interconexión de diferentes xeracións arredor da música.
Ademais, buscan con el que Combarro se estableza como referente cultural e non só turístico.
Relacionadas:
-
Dez anos de Armadiña Rock que poñen a Combarro como "punto de referencia cultural"
Por Diego Espiño |
-
'Con Sentidiño!' Non é o tráiler de Fariña, é o spot do décimo festival Armadiña Rock
Por Redacción |
-
O cartel do Armadiña Rock crece con Amparanoia e Skandalo GZ
Por Alejandro Espiño |
-
Sés, The Lákazans e Noite Fechada celebrarán o décimo aniversario do Armadiña Rock
Por Alejandro Espiño |