Os futuros profesores coñecen o potencial de levar o teatro ás aulas
Por Redacción
A Facultade de Ciencias da Educación e do Deporte acolleu este martes a presentación dun monográfico que a Revista Galega de Educación dedica ao teatro.
Nesta revista afóndase nas competencias que o teatro permite traballar nas aulas, e ademáis dase a coñecer diferentes experiencias levadas a cabo en escolas galegas e analízase a situación que atravesa o uso didáctico deste xénero literario.
Na presentación a actriz e autora teatral Paula Carballeira expuxo a súa experiencia profesional nos eidos da educación e o teatro. De presentar a traxectoria e obxectivos dunha publicación que leva editándose desde 1986 encargouse a integrante do seu consello de redacción Pilar Sampedro.
E pola súa banda, o mestre e escritor Miguel Vázquez Freire, coordinador xunto con Rosalía Fernández deste número, debullou os contidos dun monográfico dedicado a un do xéneros "con menos visibilidade" nas escolas.