'Caiuco na fronteira de papel', as fotos de Xacobe Meléndrez Fassbender aterran no Pazo da Cultura
Por Redacción
Xacobe Meléndrez Fassbender, un fotógrafo nado en Honduras, mostrará unha colección de imaxes artísticas a partir deste xoves 7 de outubro ás 19.30 horas na sala de exposicións do Pazo da Cultura.
Trátase de fotos cunha mirada propia na que se entrelaza a metáfora coa poética a través de imaxes sobre humanidade e migración, con escenas crueis que agroman na sociedade actual.
O horario de apertura da sala manterase de martes a venres, de 18.00 a 21.00 horas; os sábados de 12.00 a 14.00 horas e de 18.00 a 21.00 horas; e os domingos de 12.00 a 14.00 horas.
A exposición compartirá espazo coa de 'Na beira do río. Diálogos na pintura', a mostra que reúne traballos dos pintores Álex Vázquez e a súa filla Amelia Palacios.