Máis de 600 escolares asisten en Pontevedra ao espectáculo Teranga
Por Cristina Saiz
La Caixa e o Concello de Pontevedra organizaron un ciclo de 4 representacións dirixidas a escolares coa montaxe "Teranga. O legado dos griots de Senegal", protagonizado por un grupo de mozos senegaleses que actualmente viven en Cataluña e velan por manter viva a tradición cultural do seu país.
Unha proposta que quere dar a coñecer un pouco máis de África occidental co grupo Djilandiang. Algúns dos seus membros son descendentes de castes de griots e de familias de príncipes senegaleses. A dirección musical é de Albert Gumí e a dirección artística de Anna Llopart.
Os concertos teñen como obxectivo introducir ao público infantil e xuvenil no mundo da música desde unha perspectiva didáctica.
O Pazo da Cultura de Pontevedra acolle os concertos este mércores e o xoves, con 2 funcións diarias.
Está previsto que máis de 600 alumnos asistan ás 4 representacións programadas.