As mulleres do rural pontevedrés dan a cara polo 8M
![](/web/cache/scene/uploads/fotos/foto/544/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e6a3caa5f-.jpeg)
© Cristina Saiz
![](/web/cache/scene/uploads/fotos/foto/24e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e6a3cac35-.jpeg)
© Cristina Saiz
![](/web/cache/scene/uploads/fotos/foto/817/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5e6a62c3dd-img_20200312_170902.jpg)
© PontevedraViva
O enlousado da Praza de España foi alfombrado este xoves cunha serie de fotografías impresas a gran tamaño e que teñen como protagonistas ás mulleres do rural pontevedrés.
É unha proposta artística efémera, que leva por título "Inside Out: Mulleres [Rur]Urbanas", e que está impulsada por 7H Cooperativa Cultural en colaboración coa Unidade de Igualdade da Universidade de Vigo e a Concellería de Igualdade de Pontevedra co gallo do Día da Muller.
Tamén hai fotografías penduradas das fachadas dos edificios da Casa Consistorial, a Casa das Campás e a facultade de Belas Artes.
Segundo explicou a coordinadora da iniciativa, Clara Rodríguez, se trata de visibilizar e reivindicar o esquecido e mesmo desprezado rol que as habitantes das vilas e aldeas tiveron no sostemento do desenvolvemento colectivo ao longo da historia e da cultura galegas.
Esta intervención artística forma parte dun proxecto creado en 2011 polo recoñecido artista francés JR e desenvolvido en máis de 1.801 localizacións de 142 países co propósito de transformar o espazo público a partir da utilización da arte de rúa como unha ferramenta de expresión comunitaria.
A estudante da Facultade de Belas Artes de Pontevedra, Alegría Campos, indicou que dende o pasado mes de outubro, o alumnado do centro efectuou un traballo de recollida de testemuños dun centenar de mulleres de diversas idades e ocupacións da provincia, ás que posteriormente retratou tentando captar a forza das súas historias de vida.
Intervención artística "Inside Out: Mulleres [Rur]Urbanas"
O enlousado da Praza de España foi alfombrado este xoves cunha serie de fotografías impresas a gran tamaño e que teñen como protagonistas ás mulleres do rural pontevedrés.
© Cristina Saiz