"Diálogos con Pepe Solla", un foro de encontro cultural en Afundación TV
Por Oskar Viéitez
Afundación TV continúa coa súa proposta de dinamización do coñecemento, "Diálogos con Pepe Solla", un foro de encontro cultural no que o prestixioso cociñeiro galego, impulsor do grupo NOVE e da aclamada Casa Solla, o restaurante familiar estrela Michelin fundado en 1961.
Solla charlará con destacadas figuras do ámbito cultural e artístico galego sobre as distintas consecuencias da pandemia actual. Amaro Ferreiro será o segundo invitado deste foro este xoves 29 de outubro ás 19.30 horas.
O músico Amaro Ferreiro, neste ano 2020, decidiu acometer un novo proxecto musical, "Personajes secundarios". Nun ano de reflexión, case por imposición do contexto pandémico, Ferreiro lanzouse a publicar un novo disco no que homenaxea a esencialidade do papel secundario, desa sombra sen a cal a luz nunca podería brillar.
A charla será en directo, de acceso libre e gratuíto, e todas as persoas inscritas poderán interactuar cos protagonistas. A participación como público para este evento pódese formalizar aquí.
Relacionadas:
-
A hostelería sucumbe ante as novas medidas. Pepe Solla: "Esto nos está dilapidando. Nosotros no somos el problema"
Por Almu Dapena |
-
Volve o Espazo +60 de Afundación: "Non se pode vivir con medo, vou seguir facendo o que poida"
Por Natalia Puga & Mónica Patxot |
-
O Café Moderno acolle a mostra "Castelao grafista (facsímile)"
Por Redacción |