Susana Seivane lembra na Ferrería as pezas populares que interpretaba desde o seu balcón
Por Cristina Saiz
Durante o confinamento decretado polo Estado de Alarma houbo multitude de artistas que saíron ao rescate da cidadanía compartindo o seu bo facer. Este foi o caso de Susana Seivane que cada noite saía ao balcón dá súa casa de Pravio (Cambre) a tocar unha peza.
Segundo explicou á xornalista Xiana Lastra (revistapincha.gal) a propia Susana Seivane "era o noso aplauso musical aos sanitarios, aos limpadores de hospitais, aos caixeiros, un berro de ánimo para os meus veciños". "Foi a mellor maneira que se me ocorreu para poñer un pouco de alegría ao que estabamos a vivir", dixo.
O público que acudiu este domingo á Praza da Ferrería puido gozar deste regreso ás raíces tradicionais coas que a artista emprendeu a súa carreira.
"Dende o meu balcón" é o título do disco nado daquela experiencia e está formado por 55 temas populares agrupados en 20 suites que a artista interpretou durante as noites de confinamento do estado de alarma, e que foron transmitidas en directo a través das súas redes sociais oficiais.
Así, na Ferrería soaron temas tan reconocibles como "A Carolina", "O Sancristán", "Pousa", que fixeron moi difícil ao públcio permaner sentado nas súas cadeiras.
Relacionadas:
-
A Banda de Música de Salcedo actuou na avenida de Santa María no "día grande" da parroquia
Por Cristina Saiz |
-
Fin de festa con Café Quijano na Praza de España
Por Cristina Saiz |
-
Campolongo soa a indie-rock con Triángulo de Amor Bizarro
Por Cristina Saiz |
-
Cora Velasco, profeta na súa terra
Por Cristina Saiz |
-
E onde están os instrumentos?
Por Mónica Patxot |
-
Por primeira vez, Xose Manuel Budiño canta en Pontevedra
Por Mónica Patxot |
-
Juan Perro e Luis Piedrahita triunfan nas Festas que continúan, este venres, con Budiño e Blanco Palamera
Por Mónica Patxot & Redacción |