![](/web/cache/scene/uploads/fotos/foto/378/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6169d40f07-01-banda-desenada-memoria3.jpg)
© Deputación de Pontevedra
'Regreso á Illa de San Simón' será reeditado ante a alta expectación xerada
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/412/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6169d3b419-00-banda-desenada-memoria1.jpg)
© Deputación de Pontevedra
![](/web/cache/scene/uploads/fotos/foto/4e8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6169d43736-05-maria-ortega.jpg)
© Deputación de Pontevedra
![](/web/cache/scene/uploads/fotos/foto/773/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6169d47ec7-04-maria-ortega.jpg)
© Deputación de Pontevedra
Completábase o 90% da capacidade permitida, polas normas sanitarias, do espazo do Edificio Castelao no Museo de Pontevedra para asistir na tarde deste venres á presentación do libro en formato banda deseñada 'Regreso á Illa de San Simón'.
Trátase da primeira obra sobre memoria histórica que a Deputación de Pontevedra publica neste formato para chegar ao público xuvenil. Durante a presentación, a deputada María Ortega afirmou que está prevista xa unha próxima reedición ante a elevada demanda de exemplares que se detectou tanto no Servizo de Publicacións da Deputación como na escola do Garaxe Hermético nos últimos días.
A obra recolle diversas historias elaboradas por artistas que se formaron na escola que dirixe o ilustrador Kiko da Silva en Pontevedra. O propio autor gráfico é o coordinador deste proxecto que narra os feitos que se rexistraban na Illa de San Simón entre os anos 1936 e 1943. A illa, durante ese período, converteuse nun campo de presos por parte da ditadura.
As persoas que elaboraron as historias son: Miguel Rojo e Pablo Prado, Fernando Llor e Ana Pumares, Fonso Barreiro e Antonio Recuna, Eli García, Miriam Iglesias, Iago Fernández Falcón e Damián Gómez Figueras, Zaida Novoa, Mara Méndez, Fernando Llor e Olalla González, Lorena Nikoli, así como Fernando Iglesias 'Kohell' e Miguel Porto.
María Ortega indicaba tamén durante o acto que a idea é ofrecer un formato diferente e atractivo para chegar a un público ao que habitualmente non se destinan as obras relacionadas coa memoria histórica. A gran expectación xerada durante estas últimas xornadas demostra que hai interese por coñecer os feitos do pasado escuro na historia de Galicia e por reflexionar sobre o papel do público xuvenil para reivindicar "verdade, xustiza, reparación".
Kiko da Silva, na súa intervención, fixo un paralelismo coa novela gráfica 'Maus', de Art Spiegleman, publicada a finais do século XX, que supuxo unha revolución nestas obras ao tratar o holocausto e pasou de ser unha publicación "underground" a converterse nun best seller, que alcanzou o premio Pullitzer de xornalismo.
O ilustrador sinalou que unha das historias foi elaborada por Antonio Recuna, familiar do preso coñecido como 'O Reisiño', e destacou a importancia da postmemoria, que obriga a falar sobre a historia a través da investigación e da documentación histórica para que non se perda o relato dos feitos.
Zaida Novoa e Fonso Barreiro concluíron o acto explicando o proceso de creación da obra, que se acometeu en tempo récord cun alto nivel de calidade.
Relacionadas:
-
A novela gráfica 'As 9 cruces' achega a memoria histórica á mocidade
Por Redacción |
-
Xerais publicará 'Cósmico o bombeiro galáctico', de Fonso Barreiro, gañador do III Premio de Banda Deseñada O Garaxe Hermético
Por Redacción |
-
Tres dos cinco premios do Xuventude Crea 2021, para autores do Garaxe Hermético
Por Redacción |
-
41 centros de secundaria participarán no certame provincial de Regueifa
Por Redacción |
-
'Regreso á Illa de San Simón' preséntase no Museo para achegar a memoria histórica á mocidade
Por Redacción |
-
RADIO.- A playlist dunha ilustradora perseverante e reivindicativa: Eli García
Por Marisa Ciordia |
-
O Salón do Libro homenaxea a Helena Villar Janeiro e Kiko da Silva, defensores da creatividade en galego
Por Cristina Saiz & Anxo Lourido |