![](/web/cache/scene/uploads/fotos/foto/b51/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/617fc6b5bd-joe-dante-02.jpg)
© Concello de Vilagarcía de Arousa
'The Sadness' recibe o premio á mellor película do Curtas 2021 coa presenza do mítico Joe Dante
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/f86/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/617fc6e848-publico-curtas.jpg)
© Concello de Vilagarcía de Arousa
![](/web/cache/scene/uploads/fotos/foto/009/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/617fc7123d-nacho-vigalondo.jpg)
© Concello de Vilagarcía de Arousa
![](/web/cache/scene/uploads/fotos/foto/c8a/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/617fc67668-joe-dante.jpg)
© Concello de Vilagarcía de Arousa
O Auditorio Municipal de Vilagarcía de Arousa acollía a entrega dos Premios Curtas 2021 nun acto onde o director Joe Dante foi o gran protagonista. O creador de películas fantásticas de tanta influencia como 'Gremlins', 'Piraña' ou 'O chip prodixioso' recibía o Premio de Honra de mans do alcalde Alberto Varela.
Tamén os directores españois Nacho Vigalondo e Daniel Monzón foron premiados nesta edición do mesmo xeito que os escritores Elia Barceló e Manel Lourenzo. O evento finalizaba coa actuación da banda The Killer Barbies.
Nesta 49 edición de Curtas Festival do Imaxinario, as películas premiadas foron:
- Premio do xurado á mellor longametraxe: 'The Sadness', de Rob Jabbaz.
- Premio Especial do Xurado: 'The spine of night', de Phillip Gelatt e Morgan Galen King.
Na sección oficial fantástica de Latinoamérica, o premio do xurado era para 'Nocturna, la noche del hombre grande', de Gonzalo Calzada.
A mención especial fantástica neste apartado era para o propio Gonzalo Calzada e para as actuacións de Marilú Marini e Pepe Soriano.
Na sección oficial fantástico para curtametraxes, o premio do xurado ao mellor filme recaeu en 'Tío', de Juan Medina.
O premio á mellor curta de animación foi para 'Unnecessary Things', de Lisenbart, mentres que o premio á mellor dirección foi para Xanti Rodríguez, por 'Ospel'.
Noutros xéneros:
- Premio ao mellor documental: 'Dores', de Coral Piñeiro
- Premio a mellor curtametraxe: 'Votamos', de Santiago Requejo.
No apartado 'Feito en Galicia' sección transversal:
- Premio á mellor curta: 'La metafísica del asesino', de Rubén Méndez.
- Premio á mellor dirección: Sergio Pereda por 'Sombra do Mar'.
Na sección oficial de Vídeoarte, o premio Roberto Camba é para 'Le voyage dans la lune', de Tsulker.
Por último, os premios do público 'Planet Horror' á mellor longametraxe e á mellor curtametraxe outorgáronse a 'Jacinto', de Javi Camiño e a 'O que queda de nós', de Miguel Gómez Abad, respectivamente.