Descubrindo a música no Pazo da Cultura
Por Diego Torrado
O ciclo 'Concertos en Familia' pechouse este domingo cunha xornada dedicada aos bebés no Pazo da Cultura de Pontevedra.
En tres diferentes sesións, baixo a dirección do músico portugués Paulo Lameiro, celebrouse un singular concerto para bebés.
A experiencia, baseada na estimulación a través da música, cores e sons e cunha particular animación, centrouse nos máis pequenos da familia.
A intención do director céntrase en buscar a interactuación e participación permanente de pais e bebés no espectáculo.
Esta iniciativa foi a última do ciclo 'Concertos en Familia', que celebrou este ano a súa cuarta edición.