Tanxugueiras 'fichan' polo SonRías Baixas 2022
Por Redacción
Tras o éxito que acadaron no recente Benidorm Fest, onde se situaron como as favoritas do público para representar a España en Eurovisión, as Tanxugueiras volven á súa terra. E unha das primeiras actuacións que confirman será en Bueu.
O trío de pandereteiras estarán no SonRías Baixas 2022, que se celebrará os días 4, 5 e 6 de agosto. O festival prevé recuperar o seu gran formato, interrompido pola pandemia.
Tanxugueiras súmase deste xeito a un cartel no que xa estaban Kase.O, Rayden, Jazz Magnetism, Arnau Griso, Balkan Paradise Orchestra, Buhos e García Mc & Nación Quilombo.
Sabela Maneiro, Aida Tarrío e Olaia Maneiro chegarán a Bueu avaladas por éxitos como Midas e Figa, así como Averno, a súa colaboración con Rayden; ou Terra, o tema co que competiron no Benidorm Fest e que acumula xa más de once millóns de escoitas nas plataformas dixitais.
Todo formará parte do seu novo disco, que verá a luz neste 2022 e co que presentarán un potentísimo show: a xira Midas.
Nas vindeiras semanas a organización do SonRías Baixas 2022 anunciará novos nomes de artistas que participarán nesta edición, que pretende ser de novo unha grande festa da música en directo e un polo de atracción turística e de dinamización socioeconómica no territorio.
As entradas do SonRías Baixas 2022 xa están á venda a través da páxina web oficial do festival, www.sonriasbaixas.info, por un prezo de 45 euros máis gastos de xestión.
Relacionadas:
-
O Festival SonRías Baixas celebra a súa volta á normalidade
Por Redacción |
-
Volve o gran formato ao Sonrías Baixas con Tanxugueiras, Kase.O, Rayden, Jazzwoman, Cool Nenas e La M.O.D.A.
Por Redacción |
-
Delaporte completa o cartel do festival SonRías Baixas 2022
Por Alejandro Espiño |
-
Doce novos artistas, entre eles La M.O.D.A., Ciudad Jara, Eskorzo ou Bala, ao SonRías Baixas 2022
Por Alejandro Espiño |
-
RADIO.- Todos queren a Tanxugueiras: "chégannos tantas peticións que tentaremos repartir participación por toda a península"
Por Marisa Ciordia |
-
Pontevedra felicita a Tanxugueiras pola súa "pedazo actuación" no Benidorm Fest
Por Alejandro Espiño |
-
As Tanxugueiras recargan pilas en Bueu antes de loitar por ir a Eurovisión
Por Alejandro Espiño |
-
Kase.O, Rayden, Arnau Griso, Buhos, García Mc e Balkan Paradise Orchestra actuarán no SonRías Baixas 2022
Por Redacción |