A Gala Xacobeas abarrotou a Praza de España cun público con ganas de festa
Por Mónica Patxot & Oskar Viéitez
A Gala televisiva de Xacobeas, que será emitida na Televisión de Galicia e na canle de Divinity, abarrotou este venres a Praza de España, no marco das Festas do Carmen do concello de Marín. Un evento que tiña como obxectivo difundir e promocionar a Marca Galicia.
As portas do recinto abríronse ás 19.30, pero xa había xente esperando desde dúas horas antes. O aforo estaba limitado nun máximo de 8.000 persoas.
Desde o momento no que se accedeu ao recinto, no que había un punto de venda de bocadillos e bebida, DJ Lola estivo a animar ao público e montando un "fiestón" ata que ás 22.30 empezou a gravación das presentacións de todas a cantantes en falso directo por parte de xornalistas galegas Patricia Pardo e Lucía Rodríguez. Foi un momento un pouco tedioso que o público aguantou con paciencia, perdoando incluso os fallos de son.
E por fin, empezaron as actuacións con Ana Guerra, Ana Mena, Beatriz Luengo, Nia Correia, A Mala Rodríguez, Ainoa Buitrago, Eva B, Carolina Rubirosa e Yoly Saa.
Entre artista e artista, a xente cantaba e tocaba a pandeireta. Pasaban 5 minutos das tres da madrugada cando subían ao escenario as Tanxugueiras, "o broche de ouro, de prata e de platino", segundo Patricia Pardo que lles preguntou "¿qué queréis decir al público?" ao que elas responderon "diríalles que falen galego".
Relacionadas:
-
O PSOE de Marín afirma que a Gala Xacobeas foi "un enorme fracaso e unha decepción"
Por Redacción |
-
O concerto de Cali y El Dandee en Marín será finalmente gratuíto
Por Redacción |
-
Edurne cae do cartel de Xacobeas en Concerto por problemas de saúde
Por Alejandro Espiño |
-
Haberá un amplio dispositivo de seguridade en Marín nos días fortes das Festas do Carme
Por Oskar Viéitez |
-
Nia Correia, sorpresa de última hora para a gala Xacobeas en Concerto
Por Alejandro Espiño |
-
Beatriz Luengo substitúe a Melanie C., ex Spice Girls, no Xacobeas en Concerto de Marín
Por Redacción |