Haberá un amplio dispositivo de seguridade en Marín nos días fortes das Festas do Carme
Por Oskar Viéitez
Este mércores tivo lugar en Marín unha reunión da Xunta Local de Seguridade solicitada polo propio Concello á Subdelegación do Goberno, de cara a coordinar as actuacións en materia de seguridade con motivo das Festas do Carme.
A Xunta Local de Seguridade estivo copresidida pola subdelegada do Goberno, Maica Larriba e pola alcaldesa, María Ramallo. Na reunión tamén estiveron presentes o comisario da Policía Nacional de Marín, Javier Rodríguez, o comisario provincial, Juan José Díaz, o comandante da Comandancia da Garda Civil en Pontevedra, Simón Venzal, o xefe do subsector de Tráfico de Pontevedra, Antonio Pérez Piteira, e o xefe da Policía Local, entre outros.
Na reunión realizouse un repaso polos principais eventos programados, con especial fincapé na Gala Xacobeas e no propio día do Carme, que serán os momentos nos que se rexistre unha maior afluencia de asistencia de persoas, tanto durante á procesión coma na finalización da tirada de fogos de artificio.
O concerto Xacobeas, que terá lugar o 15 de xullo, conta co seu propio plan de seguridade. Se prevé que acudan más de quince mil asistentes, e coincide, tal e como explicou a subdelegada "coa hora de regreso das praias, polo que será necesario coordinar os accesos para garantir unha mobilidade fluída e segura". Desde o Concello habilitarán aparcamentos disuasorios e, amais, reforzaranse as liñas de autobuses desde Pontevedra con horarios extraordinarios durante o venres e sábado.
Así mesmo, o 16 de xullo a confraría de pescadores celebrará por primeira vez tras a pandemia a procesión do Carme, que xa conta cos permisos de Capitanía Marítima.
Maica Larriba informou que neste operativo especial deseñado para garantir a seguridade durante as celebracións, a Garda Civil de Tráfico mobilizará durante toda a fin de semana varios dispositivos de control móbil de consumo de alcol e drogas.
A subdelegada destacou que, en total, e durante toda a fin de semana, "mobilizaranse arredor dun centenar de axentes das Forzas e Corpos de Seguridade locais, autonómicos e estatais co obxectivo de velar pola seguridade cidadá, prestando especial atención á seguridade viaria".
Doutra banda, o Concello instalará un Punto Violeta durante as celebracións "para previr calquera tipo de agresión machista".
Ramallo quixo agradecer a asistencia e especial interese mostrado pola Subdelegada do Goberno e a labor e o esforzo que se fará por parte de todos: a Policía Nacional, con máis apoios de efectivos da Comisaría Nacional e a UPR; a Garda Civil de Tráfico, nos controis de acceso á cidade e a nivel marítimo, co apoio da patrulla de embarcación de cara á procesión; a unidade adscrita da Policía Autonómica, que tamén reforzará o operativo e toda a plantilla da Policía Local, que coordinará o control do tráfico e a seguridade cidadá.
Relacionadas:
-
Abraham Mateo e as orquestras París de Noia e Combo Dominicano, nas Festas do Carme
Por Redacción |
-
Detido un home que usaba un patinete eléctrico para vender droga con maior rapidez por Marín
Por Natalia Puga |
-
A Gala Xacobeas abarrotou a Praza de España cun público con ganas de festa
Por Mónica Patxot & Oskar Viéitez |
-
Bueu prepárase para unha fin de semana de Festas do Carme e das Dores
Por Redacción |
-
Unha animada batalla de flores enche de bo ambiente a noite marinense
Por Redacción |
-
Pasodobres, selfies e desmaios na chegada do Juan Sebastián Elcano á Escola Naval de Marín
Por Oskar Viéitez & Mónica Patxot |
-
Nia Correia, sorpresa de última hora para a gala Xacobeas en Concerto
Por Alejandro Espiño |
-
As Festas do Carme de Marín acollerán máis atraccións de feira que en anos anteriores
Por Redacción |
-
Felipe VI presidirá os actos do Carme na Escola Naval de Marín
Por Oskar Viéitez |
-
París de Noia, Panorama e unha Batalla de flores nas noites de verán das Festas do Carme
Por Redacción |