Unha animada batalla de flores enche de bo ambiente a noite marinense
Por Redacción
As Festa do Carme de Marín aproxímanse aos seus días grandes, os que se vivirán esta fin de semana. Pero ao longo de todos estes días, numerosas actividades están a encher de alegría e bo ambiente a vila. Unha dela foi a batalla de flores nocturna celebrada este martes.
Un centenar de nenos e nenas subiron ás sete animadas carrozas que desfilaron por algunhas das principais rúas de Marín, entre elas a Avenida de Ourense, a Praza de España e as rúas Almuíña e Jaime Janer.
Todos eles foron disfrazados acordes á carroza na que ían subidos, decoradas con motivos relativos ao baile, os gnomos, as flores, os insectos ou a natureza, entre outros.
A comparsa Os Solfamidas foron os encargados de pechar o desfile.
Esta batalla de flores, amenizada con música en directo, foi unha das principais ofertas festivas incluídas na programación da Festa do Carme para este martes, que incluíu ademais un concerto da banda de música Musimarín na Alameda.
Pare este mércores, o prato forte será a verbena coa orquestra París de Noia, a partir das 22:30 horas, na Praza de España. A ela sumarase a actuación do Mago Paco na Alameda, ás nove da noite.
Relacionadas:
-
Haberá un amplio dispositivo de seguridade en Marín nos días fortes das Festas do Carme
Por Oskar Viéitez |
-
Manuel Villanueva, no inicio das Festas do Carme: "A Marín nunca lle puiden negar nada"
Por Redacción |
-
As Festas do Carme de Marín acollerán máis atraccións de feira que en anos anteriores
Por Redacción |
-
Marín deseña un "verán para vivilo"
Por Redacción |
-
París de Noia, Panorama e unha Batalla de flores nas noites de verán das Festas do Carme
Por Redacción |