'¡Que salga Aristófanes!', a proposta coa que Els Joglars reivindica a liberdade de expresión esta semana en Pontevedra
Por Redacción
A compañía teatral independente Els Joglars regresa esta semana a Pontevedra cunha proposta escénica que rende homenaxe ao comediógrafo grego Aristófanes á vez que reivindica a liberdade de expresión.
'Que salga Aristófanes!' escenificarase este mércores 16 de novembro na sede Afundación de Pontevedra ás 20.30 horas e as entradas están dispoñibles na web Ataquilla.com.
A produción, que forma parte da tempada de teatro de Afundación, pon en escena unha dramaturxia contemporánea. Combinando a música, a danza, a literatura e o visual, pon o foco na infantilización do mundo adulto que conleva vivir nunha ilusión, nun Mundo Disney, onde a arte debe ser correcta, fácil e que non faga dano.
Sobre a idea de que a arte debe ser allea á moral, esta compañía que este ano cumpre 60 anos propón un espectáculo onde os Aristófanes, os Chaplins ou os Molières encarnan a risa do disidente ante unha sociedade asada na relixión dos sentimentos.
Desde o humor e a sátira mostran a perversidade 'buenista' que sinala, delata e lincha aos discrepantes nas novas fogueiras de Twitter, Facebook e demais redes.
Els Joglars, a compañía de teatro privada en activo máis antiga de Europa, conta a historia dun catedrático de clásicas destituído da universidade e internado nun Centro de Reeducación Psicocultural debido ás secuelas mentais producidas polo cesamento. O seu coñecemento e admiración polo mundo clásico, faille asumir por momentos o personaxe de Aristófanes.
Entre a realidade e a ficción, imaxina ao dramaturgo grego como modelo de liberdade fronte a unha sociedade cada vez máis repleta de tabús intocables.
Relacionadas:
-
Kiti Mánver, Eusebio Poncela, Carles Sans, Gabino Diego ou Juan Echanove, na programación teatral de Afundación para 2023
Por Redacción |
-
María Adánez e Pepón Nieto representan en Pontevedra ¡Ay, Carmela!
Por Redacción |
-
Pontevedra recibirá a Diana Navarro, Els Joglars ou Lola Herrera na nova tempada teatral de Afundación
Por Alejandro Espiño |
-
Carmen Maura, Imanol Arias, Els Joglars ou o novo de Chévere, apostas teatrais de Afundación para 2020
Por Alejandro Espiño |