Marzo acollerá catro espectáculos de teatro familiar en Cambados
Por Redacción
O domingo 5 de marzo iniciarase o Ciclo de Teatro Infantil e Familiar no Auditorio Xuventude de Cambados, que contará con representacións de espectáculos os domingos deste mes.
O 5 de marzo iniciarase o ciclo coa actuación de A Xanela do Maxín e a presentación de 'Leonardo e os Biosbardos'.
A seguinte montaxe chegará o 12 de marzo, con 'Ninja', de Ghazafelhos. O ciclo proseguirá con 'Laika', de Xirriquiteula Teatre o 19 de marzo.
Por último, Paula Quintas Cía. concluirá a mostra coa representación de 'Nina Ninette' o domingo 26 de marzo.
Todas as funcións comezarán ás 18.00 horas e as entradas xa se atopan en venda anticipada en ataquilla.com ao prezo de 3,50 euros.