Artistas de Pontevedra, Poio e Barro, entre as novas participantes do programa Descúbreas
Por Redacción
Oito artistas femininas foron seleccionadas para participar nunha nova edición do programa Descúbreas, impulsado pola Deputación de Pontevedra e a plataforma Regalamúsica, para impulsar o talento das mulleres na industria musical.
A pontevedresa Lidia Aldao, que vén de protagonizar o último Sofar Sounds no Museo, é unha das artistas que participará neste programa. Farao xunto a Arancha Rodríguez, Sara Mínguez, Alba Ermida, Lucía García, Andrea Garriga, Nerea Gándara e Laura Marino.
Todas elas, procedentes de Pontevedra, Vigo, Barro, Poio, Nigrán e Ponteareas, foron elixidas por un xurado técnico e, a partir de agora, participarán neste programa de mentoría co asesoramento de mulleres referentes do sector en Galicia.
Durante as sesións recibirán formación musical transversal, obradoiros e charlas impartidas por profesionais, e gravarán cadanseu tema e videoclip que serán lanzados nas principais plataformas de streaming e venda en liña.
O programa seguirá a ofrecer vídeo-entrevistas a artistas sobre a situación das mulleres na música e vídeo-titoriais. Tamén se distribuirá unha newsletter semanal e realizarase un vídeo colaborativo coas escolas de música da provincia.
Ademais, manterase o servizo de consultoría en liña para dar resposta ás inquedanzas das estudantes de música e actualizaranse os contidos da plataforma web, que conta cun directorio de mulleres profesionais.
Relacionadas:
-
A segunda colección de 'Aquí Faltan Páxinas' chega envolta na polémica
Por Redacción |
-
As tres artistas da comarca no programa Descúbreas dan os seus primeiros pasos
Por Redacción |
-
Prazo aberto para inscribirse no II Torneo de Smash Bros que se celebrará na Casa Rosada
Por Redacción |
-
Lidia Aldao, Allova e André Busker Neves para un Sofar Sounds que 'redescobre' o Museo
Por Redacción & Mónica Patxot |
-
"Cultura cos pés na terra", está é a programación cultural para 2023 da Deputación
Por Redacción |