Tanxugueiras e Trece Amarillo, unha 'simbiose' que renova o seu éxito con "Aire"
Por Alejandro Espiño
A unión que, desde hai anos, mantén Tanxugueiras coa produtora marinense Trece Amarillo volve marabillar ao público. Fano co videoclip que acompaña a "Aire", a nova canción que este trío de pandereteiras galegas estrearon este venres.
"É un tema que fala da liberdade, de ser e de reinventarse", así describen Sabela Maneiro, Aida Tarrío e Olaia Maneiro, unha canción coa que continúan explorando novos retos e posibilidades sonoras nas súas composicións.
Queren reflicten nela "unha viaxe a toda velocidade sen pensar moi ben nas consecuencias e actuando de forma inconsciente, pero facéndoo desde a verdade e o sentimento más salvaxe e instintivo, buscando unha evolución persoal".
En "Aire", para a que contan coa produción de Lowlight, un habitual da música urbana, Tanxugueiras transmite unha mensaxe empoderadora, animando a todas as persoas "a levar o seu ser á máxima potencia e a brillar sen medo aos prexuízos nin ao qué dirán".
Para elevar esta mensaxe apóianse nunha corada e animada peza audiovisual dirixida por Diego M. Barcia e Diego Santaclara, responsables dos videclips de Midas, Figa, Averno ou Pano corado.
Relacionadas:
-
Éxito de público no Sons de Ánkar para ver ás Tanxugueiras, Xabier Díaz e Adufeiras de Salitre e Treixadura
Por Redacción |
-
"En 200 días Pontevedra volverá escribir un novo capítulo da súa historia"
Por Oskar Viéitez & Mónica Patxot |
-
Tanxugueiras, tras a súa foliada na Festa do Marisco: "Imos a levar este concerto no corazón para sempre"
Por Alejandro Espiño |