Preséntase este xoves '70º Norte', a primeira novela de Xaime Toxo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Ateneo de Pontevedra organiza un relatorio arredor da novela 70º Norte, de Xaime Toxo, publicada por Editorial Galaxia.
O acto terá lugar o vindeiro xoves 26 de outubro, ás 19:30 horas, no café Bizarro (Club Naval Pontevedra - Av. de Uruguai, s/n, Pontevedra).
O autor estará acompañado por Ramón Rozas (xornalista de Diario de Pontevedra e crítico de arte), Ana Corzo (poeta), Carmen Quinteiro (poeta). A nota musical poraa o gaiteiro Óscar Ibáñez.
A entrada é libre ata completar capacidade.
XAIME TOXO
70⁰ Norte é a primeira novela de Xaime Toxo (Bueu, 1955).
O autor é licenciado en Filosofía e Ciencias da Educación, xestor cultural, presidente do Ateneo de Pontevedra e escritor.
No seu haber conta, entre outras publicacións, cos libros de relatos As palabras que move o mar (2015) e Protexer o invisible (2016), e os textos poéticos Cadernos do mar (I e II, 2014), en colaboración co pintor Antón Sobral, e A casa sen nós (2019).