Yago Iglesias: "Xeramos ocasións máis que suficientes para levarnos os tres puntos"
Por Almu Dapena
O empate entre Pontevedra e Villalbés foi de todo menos xusto para o equipo granate, que, en palabras de Yago Iglesias, "de principio a fin levou a iniciativa do partido e xeramos ocasións máis que suficientes para levarnos os tres puntos".
Segundo o técnico pontevedrés, "noutros partidos con moito menos conseguimos os tres puntos e hoxe é na penúltima que temos e igual na menos clara" cando conseguen rascar tan só un punto.
Para Iglesias, o estado do terreo de xogo foi un dos inconvenientes cos que se atopou o Pontevedra en Vilalba, "non estaba en boas condiciones pero ao final non é escusa", recoñeceu. "É unha pena porque este campo sempre está moi ben e colleunos un pouco por sorpresa, queriamos atopar situacións de vantaxe por fóra e o terreo de xogo complícao moito", lamentou.
A pesar do resultado, o adestrador vaise "contento coa imaxe do equipo e a pelexa ata o final" aínda que "amolado polo resultado", asegurando que o equipo leva "unha aprendizaxe importante" para afrontar os encontros da segunda volta.
Relacionadas:
-
O Pontevedra retoma as visitas escolares no CEIP San Benito de Lérez
Por Redacción |
-
Marcos Barbeiro asoma a cabeza no Pontevedra "con ganas de mostrar o meu fútbol"
Por Diego Espiño |
-
Gimnástica de Torrelavega: De sorprender en Pasarón a caer en descenso e cambiar de adestrador
Por Diego Espiño |
-
Dobre baixa por sanción no Pontevedra para o desprazamento a Torrelavega
Por Diego Espiño |
-
Asedio do Pontevedra e empate en Vilalba (1-1)
Por Almu Dapena |