Azael García incorpórase aos adestramentos do Pontevedra
Por Diego Espiño
Cara nova na volta ao traballo, este luns, do Pontevedra Club de Fútbol tras o seu traballado triunfo da fin de semana no campo da Gimnástica de Torrelavega.
O primeiro adestramento semanal do equipo supuxo tamén a estrea como granate de Azael García, primeira fichaxe de inverno confirmado pola entidade.
O xoven centrocampista lugués (19 anos), que procede do Valencia Mestalla, puido coñecer xa os seus novos compañeiros e ao corpo técnico, poñéndose ao dispor de Yago Iglesias.
Tras a primeira toma de contacto este martes 16 de xaneiro, xornada de descanso para o resto do equipo, será quenda para a súa presentación oficial no Estadio Municipal de Pasarón.
Coa incorporción de Azael, futbolista en idade sub-23 e que asinou ata final de campaña, Yago suma unha peza máis no equipo.
O técnico iniciou a semana pendente doutra banda do estado do seu capitán, Álex González, tras solicitar o cambio en Torrelavega por problemas físicos, pero recuperará para a próxima xornada dous homes importantes como Churre e Chiqui, tras cumprir ambos un encontro de sanción.