Homenaxe a Pablo Vázquez na reunión de ex xogadores e directivos do Pontevedra
Por Redacción
A tradicional xuntanza de ex-xogadores, directivos e afeccionados do Pontevedra Club de Fútbol terá este ano un motivo que a fai se cabe un pouco máis especial.
Na reunión, que se fixou para o vindeiro venres 16 de febreiro, homenaxearase a un dos grandes capitáns da historia recente do club, Pablo Vázquez, retirado no 2002 e último 'One Club Man' do Pontevedra, xa que o lateral non só se formou nas categorías inferiores senón que na súa etapa sénior só defendeu a elástica granate na Segunda División B.
Foron un total de 288 partidos oficiais coa entidade de Pasarón ao longo de 12 tempadas, ata a 2001-2002, cando unha grave lesión de xeonllo obrigoulle a deixalo.
Agora, 22 anos despois e tras pasar tamén polos bancos do club, recibirá un merecido recoñecemento á súa traxectoria nunha xornada que prevé unha misa no santuario da Peregrina (13.30 horas) e unha comida na Finca Batacos (14.30 horas) á que poden apuntarse os afeccionados que o desexen.
Xuntanza de ex xogadores, directivos e afeccionados do Pontevedra CF
— Pontevedra CF (@PontevedraCFSAD) February 6, 2024
Venres 16 de febreiro
Prezo 32€
Homenaxe a Pablo Vázquez pic.twitter.com/3Wlceh7fGC
Relacionadas:
-
Especial homenaxe a Pablo Vázquez, último 'One Club Man' do Pontevedra CF
Por Redacción |
-
Yago Iglesias e as ausencias de Rufo e Samu Mayo: "Temos xogadores suficientes coa capacidade para adaptarse a calquera situación"
Por Almu Dapena |
-
A difícil papeleta de substituír a Rufo
Por Diego Espiño |
-
Recomendan "repouso deportivo" a Rufo tras sentir indisposto nos minutos finais do Pontevedra-Cayón
Por Diego Espiño |
-
Pablo Vázquez, o último 'One Club Man' do Pontevedra CF
Por Diego Espiño & Mónica Patxot |