Recomendan "repouso deportivo" a Rufo tras sentir indisposto nos minutos finais do Pontevedra-Cayón
Por Diego Espiño
Rufo deu o susto no Pontevedra Club de Fútbol tras sentirse indisposto nos minutos finais do partido entre os granate e o Cayón en Pasarón.
O que desde o exterior parecía unha intervención sen moita relevancia, posto que o xogador puido completar os instantes finais do choque, supuxo en realidade un serio aviso para o dianteiro.
Segundo sinala o parte médico emitido este mércores pola entidade granate Rufo "referiu molestias torácicas e indisposición momentánea", aínda que tras a primeira atención sobre o céspede "á finalización do encontro non refería alteración clínica".
Con todo por precaución o futbolista do Pontevedra foi sometido posteriormente a un estudo médico no Hospital QuirónSalud Miguel Domínguez, realizándoselle diversas probas e sendo dado despois de alta hospitalaria.
Tras esas probas, informan os servizos médicos do club, recomendouse a Rufo "repouso deportivo" e que siga un control médico. Por todo iso "valorarase a súa incorporación ao grupo, en función da evolución, e o resultado dos controis médicos que serán practicados nos próximos días".
Unha situación que complica e moito a presenza do pichichi granate polo menos a próxima xornada do campionato, co desprazamento a Guijuelo, aínda que non está descartado por completo.
Relacionadas:
-
Rufo recibe a alta médica "tras o resultado satisfactorio de todas as probas realizadas"
Por Diego Espiño |
-
Dúas xornadas clave para o Pontevedra, e as dúas en Pasarón
Por Diego Espiño |
-
Toño Calvo e Charly danlle os tres puntos ao Pontevedra en Guijuelo (1-2)
Por Almu Dapena |
-
Yago Iglesias e as ausencias de Rufo e Samu Mayo: "Temos xogadores suficientes coa capacidade para adaptarse a calquera situación"
Por Almu Dapena |
-
A difícil papeleta de substituír a Rufo
Por Diego Espiño |
-
Hermelo: "Soa a tópico pero temos que ir partido a partido"
Por Diego Espiño |
-
Homenaxe a Pablo Vázquez na reunión de ex xogadores e directivos do Pontevedra
Por Redacción |
-
Promoción nas entradas para os dous próximos partidos do Pontevedra na casa
Por Redacción |
-
Rufo, o mellor 'pichichi' das catro primeiras categorías do fútbol nacional
Por Diego Espiño |
-
A Guijuelo sen Samu Mayo
Por Diego Espiño |
-
Goleada do Viveiro ao Pontevedra B nun duelo clave pola permanencia (5-1)
Por Redacción |