Os comisarios técnicos da Federación Galega de Automobilismo fórmanse en Poio
Por Redacción
A Federación Galega de Automobilismo (FGA), en colaboración coa Escudería Buxa Motor Poio, celebrou en Poio o primeiro 'Curso de Comisarios Técnicos da FGA'.
Tratouse dunha formación á que acudiron preto de 70 persoas e que contou con charlas de relatores chegados de Estremadura ou Canarias e coa colaboración do departamento técnico da FGA poñendo en valor o traballo dos comisarios á hora de realizar as verificacións nas diferentes competicións de motor.
Eles son, de feito, os que velan por que se respecten as normas de seguridade tanto dos vehículos como dos deportistas.
Segundo sinala a FGA, os participantes no curso recibiron información sobre as novidades en materias de seguridade e algúns puntos críticos á hora de verificar un vehículo de competición.
Ademais grazas á colaboración da Escuadra Buxa Motor os alumnos completaron a formación cunha parte práctica na que utilizaron varios vehículos de competición cedidos para a ocasión, que ían desde un Subaru Impreza ata un Kart, un Carcross ou un fórmula Outeda.
Relacionadas:
-
As empresas xa poden presentar os seus proxectos para organizar as ludotecas de verán na Seca, Raxó e Viñas
Por Oskar Viéitez |
-
O goberno local de Poio presenta un plan para garantir un reparto "transparente, obxectivo e eficiente" das subvencións
Por Oskar Viéitez |
-
O Rallye de Pontevedra, o segundo mellor valorado do calendario pola Federación Galega
Por Diego Espiño |
-
Pilotos e mecánicos achegarán o mundo dos rallies aos alumnos do CIFP A Xunqueira
Por Redacción |