Máis de 150 deportistas participarán na primeira Copa Deputación Tatami Sports
Por Redacción
O presidente da Deputación de Pontevedra, Luis López, acompañado polo deputado de Xuventude e Reto Demográfico, Jorge Cubela, e José Manuel Santiago e Antonio Garrido, presidentes da Asociación de Boxeo de Pontevedra e a Hong Muay Thai Academy, presentaron no Pazo Provincial a primeira edición da Copa Deputación 2024 de Tatami Sports.
Tal e como anunciaron, a competición celebrarase o día 23 de marzo no Pavillón Municipal de Cerdedo, nunha xornada na que participarán máis de 150 deportistas chegados de distintos puntos de Galicia, con idades comprendidas entre os 4 e os 40 anos divididos en catro categorías. Esta disciplina deportiva inclúe as modalidades de competición point fight, light contact, kick light e K1 light.
Estes catro campionatos coroarán aos campións da Copa Deputación 2024 destas modalidades de boxeo.
Para completar a programación, no mesmo escenario e no mesmo día celebrarase o Campionato Galego de kick boxing, unha competición na que tamén colabora a Deputación e que é puntuable para a clasificación para os campionatos nacionais que se celebran en Guadalaxara no mes de xuño.
Relacionadas:
-
Recepción provincial ao Poio Pescamar: "Sodes exemplo e espello"
Por Redacción & Mónica Patxot |
-
O Froiz presenta un equipo novo e renovado con grandes aspiracións
Por Almu Dapena & Mónica Patxot |
-
As 'Guerreiras' e os 'Hispanos' xogarán esta primavera en Porriño e Lalín mentras que Pontevedra acollerá a Copa 5x5 de balonmán na rúa
Por Oskar Viéitez |