Dobre ouro do Bádminton Ravachol no Máster de Cartaxena
Por Redacción
Finalizada a Liga Nacional de Clubs, o Club Bádminton Ravachol Pontevedra segue coa tempada de campionatos cunha dobre representación a fin de semana no Máster Nacional Sub-19 disputado en Cartaxena, Murcia.
Ata alí desprazáronse Raúl Bergua e Carmen Carro, ambos os dous aínda xogadores en idade sub-17.
A pesar da súa menor idade os resultados foron notables para os deportistas do Ravachol, asinando unha dobre medalla de ouro na competición.
Por unha banda Carmen Carro levou o ouro en dobres feminino xunto á estradense Iziar Barcala, mentres que na competición individual sumou un bronce ao car nas semifinais.
En canto a Raúl Bergua, logrou o triunfo no sobles masculino facendo parella con Rubén Comerón, do CB A Estrada, ao que se sumou unha medalla de prata no cadro individual ao chegar á gran final e caer fronte a un compañeiro de adestramento como Alejandro Gallego.
Bergua e Carro, que estiveron en Cartaxena acompañados polo seu adestrador Jesús Pereiro, suman con estes resultados importantes puntos que lles fan escalar posicións no ranking nacional da categoría.
Relacionadas:
-
Georgina Bland, elixida mellor xogadora da tempada na División de Honra de Bádminton
Por Diego Espiño |
-
O Bádminton Ravachol cae con honra en Sevilla nas semifinais polo título de liga
Por Diego Espiño |
-
Derrota en Oviedo para un Ravachol que perde o factor cancha para a semifinal polo título
Por Redacción |
-
Dobre medalla de bronce para o Bádminton Ravachol no Máster Nacional Sub-19 de Tordesillas
Por Redacción |