![](/web/cache/scene/uploads/fotos/foto/677/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/665461c037-goatye_wiaadxjc.jpg)
© Miguélez Team / Real Federación Española de Atletismo
Ao equipo feminino da Gimnástica escápaselle o ascenso a División de Honra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/4e0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66546196be-goapsbkwiaasgco.jpg)
© Miguélez Team / Real Federación Española de Atletismo
![](/web/cache/scene/uploads/fotos/foto/e5c/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/665461e318-goabrurxiaadwtq.jpg)
© Miguélez Team / Real Federación Española de Atletismo
Ata Castelló desprazouse a fin de semana a Sociedad Gimnástica para disputar a xornada final do Campionato de España de Clubs de Atletismo, co seu equipo masculino disputando a final de liga polo título na División de Honra e o feminino aspirando ao ascenso á máxima categoría.
Precisamente ese era o gran aliciente para a Gimnástica, cos mozos xa salvados, e non andou lonxe.
O conxunto feminino rozou o salto a División de Honra chegando por momento a liderar a final polo título de Primeira División, pero finalmente concluíu no quinto lugar con 94 puntos sen poder culminar un obxectivo que se lle escapou por moi pouco, liderando a final o Cornellá At. con 114 puntos seguido do AD Marathon con 101, equipos que lograron o ascenso.
María Ezquerro en lanzamento de disco, Sabela Castelo nos 3.000 metros lisos, Lía Caride nos 400 valos e Antía Chamosa na 5.000 marcha lograron senllos primeiros postos que permitiron soñar coa xesta, destacando ademais a marca lograda na remuda 4x400 por Eugenia Gil, Ainara Rodríguez, Lucía Sánchez del Valle e Lía Caride por tratarse dun novo récord do club.
En canto ao equipo masculino, no seu caso xa sen presión e co obxectivo conseguido, asinou un notable sétimo posto na final polo título de División de Honra, sendo o mellor resultado individual o conseguido por Dani Chamosa nos 5.000 marcha ao gañar a proba batendo o seu propio récord galego (0:19:22.50).
Relacionadas:
-
Antía Chamosa logra a mínima para participar nos Xogos Olímpicos de París
Por Almu Dapena |
-
A Gimnástica métese na final polo título e certifica pola vía rápida a súa permanencia na División de Honra
Por Diego Espiño |
-
Dobrete da Gimnástica no Campionato Galego de Clubs
Por Redacción |
-
Antía Chamosa, bronce mundialista por equipos nos 20 quilómetros marcha
Por Almu Dapena |
-
Paso firme da Gimnástica na primeira xornada do Campionato de España de Clubs
Por Redacción |